viernes, 21 de abril de 2017

O PROXECTO NAS AULAS

O alumnado de 1º e 2º están a preparar a súa visita á Fraga do Eume.

 O grupo de 1ºB investigou, coa axuda das familias, durante as pasadas vacacións. Aportaron diversas informacións e materiais sobre o Parque Natural. Aquí os tedes presentando as súas aportacións á clase.



PDI "As Fragas do Eume" 1ºB - Kizoa Editar Videos - Movie Maker

Os maiores do cole xa foron ás fragas.Agora están a realizar un mapa do Parque Natural, para o que tiveron que aprender moito de escalas, curvas de nivel, nomenclatura da zona,etc.
Aquí nos deixaron unhas imaxes dos primeiros pasos do seu "macro plano" das fragas.




PDI 6ºA - Kizoa Editar Videos - Movie Maker


O alumnado de 5º A, que xa visitou as fragas no inverno, achegouse na Semana Santa a coller follas para o seu herbario. En grupos, estudaron oito árbores distintas e hoxe expuxeron os seus traballos, na clase e no corredor de primaria.




miércoles, 19 de abril de 2017

Día do Libro


A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616) se correspondía coa data do aniversario do nacemento e morte de William Shakespeare.Ese mesmo día tamén se conmemora a morte do primeiro escritor mestizo, Inca Garcilaso de la Vega.


Este ano o Día do Libro cae en domingo polo que o festexaredes coas vosas familias asistindo ás actividades que organiza o Concello e a Biblioteca Municipal. Sempre hai música, contacontos, postos das librarías,...  Seguro que aproveitades para que vos merquen algún libro como agasallo.


GÜINO tamén ten agasallos para todos nós na  vindeira semana:




  • As novas adquisicións están todas xuntas para que volas presenten os profes. Ollade cantos libros mercou Güino para vós!!



    • Ademais xa temos novos libros de realidade aumentada (R A): Logo de lélos pedirlle as tabletas ao profe e a experimentar con unha nova lectura.










    • Mirade o video antes de coller calquera dos  libros de  R A . É sorprendente,non?



    • O martes vén Iago López , o contacontos. Esta vez vailles presentar aos nenos e nenas de 1º e 2º de Primaria un libro que tamén escribiu el "O cociñeiro Martiño".








    • O mércores para os Clubes de Lectura que están a ler "O Castañeiro de Abril" achégase ao noso cole Antonio Fraga, o seu autor, para contarlles como escribiu a súa obra, en que se inspirou, como escolleu ao protagonista,...E contestarlle a todas as preguntas que lle teñen preparadas.


















    • Ademais Güino deíxavos un enlace para que os máis grandes investiguedes sobre o 23 de Abril, Día  do Libro.



    Preme e pescuda!!!













    sábado, 8 de abril de 2017

    DÍA DO TEATRO E CONVOCATORIA DO IX CERTAME " COUCEIRO FREIJOMIL"

    Durante o pasado mes de marzo houbo dúas datas sinaladas para a cultura e  para o idioma. O 21 de marzo foi o Día Mundial da Poesía, e o 27 celebrouse  o Día  Mundial do Teatro.

    Dende a biblioteca o pasado ano organizouse o Día da Poesía. Lembrades a Manuel Mª? Recordades que fomos polas rúas recitando os seus versos?

    Este curso , ao ser Carlos Casares o autor ao que se lle adican As Letras Galegas, decidimos festexar o Día do Teatro, pois Casares escribiu para nós máis teatro que poesía .

    O alumnado de 1º, 4º e 5º de primaria estiveron moi atarefados,  prepararon  tres  pezas teatrais.

    Comezamos cos de 5º pois representaron  unha obra de Carlos Casares “As laranxas máis laranxas de todas as laranxas”









    Os máis pequenos de primaria contáronos como con se fai A mellor sopa do mundo”. 

    Co seu traballo, amósannos o valor das pequenas cousas e, sobre todo, da amizade.











    Para rematar coas obras teatrais o alumnado de 4ºA preparou “A estatua”. Fálannos dunha escultura moi peculiar que vive dentro dun xardín por onde pasea moita xente.





                                         


























    Moitas grazas ao noso público, tan entusiasta como respectuoso.

    Güino aproveitou que estabamos familias, mestres e mestras e alumnado para a
    convocatoria do IX Certame de Poesía "Couceiro Freijomil"

    Botádelle un ollo á súa mensaxe!!

    Felices vacacións !!!        

    viernes, 7 de abril de 2017

    SAÍDAS DIDÁCTICAS POLA FRAGA DO EUME

    Dentro do proxecto que estamos a desenvolver no colexio, o alumnado de 3º e 6º de Primaria, aproveitando o bo tempo desta semana, fixeron as súas saídas didácticas pola Fraga do Eume.


    O luns, nenas e nenos de terceiro, que están a investigar sobre os animais invertebrados do noso bosque autóctono, achegáronse ao Portal das Fragas en Ombre, Pontedeume. Alí despois de ver un video explicativo sobre a flora e a fauna, partiron cara a Alameda onde comezou a súa ruta de sendeirismo: Cruzaron a ponte colgante e internáronse no bosque onde atoparon curripas e aprenderon a identificar pegadas e outros rastros de animais. Ademais aprenderon a identificar árbores.











    O xoves, o alumnado de sexto, tamén visitou a Fraga do Eume. Eles entraron polo Concello da Capela. Tiñan uns obxectivos diferentes. Están a estudar a orografía e concellos do Parque Natural e a explotación das augas.


    Visitaron os Muiños do Sesín, afluente do Eume. Onde Secundino, que foi moitos anos mestre do colexio da Capela, contoulles como se aproveitaba tradicionalmente a forza das augas para realizar diferentes tarefas.
    Tamén fixeron unha ruta , con  vistas aos diferentes concellos do parque,  para observar a orografía das fragas. Foilles comentando todo o que vían ao seu paso, un guía das Fragas.



















    O noso agradecemento coma sempre aos traballadores do Parque e nesta saída grazas, especialmente  a Secundino, pola guía e polo seu labor de recuperación e conservación.

    sábado, 1 de abril de 2017

    Día do Teatro

    O vindeiro venres 7 de abril festexamos no noso colexio o Día do Teatro facéndoo coincidir co Fin de Trimestre.
    Representaranse tres pezas teatrais:

    • A mellor sopa do mundo (1º B)
    • A estatua (4º A)
    • As laranxas máis laranxas de todas as laranxas (5ªA)




    Dende o noso centro, de sempre defendemos o amplo valor educativo que pode xerar a actividade teatral: maduración personal, compañerismo, desinhibición, mellora na comprensión lectora, expresión oral, dicción, etc

    Hoxe, temos que lembrar a Mateo González, recentemente falecido,ex alumno do centro.

    Iniciouse  no teatro escolar,no noso cole e  no grupo Arjé Teatro do  Instituto Breamo, para logo de formarse na Escola de Teatro de Narón, facer da escena a súa profesión, no teatro, na TV e no cine.

    As nosas condolencias para a súa familia.